Campeonato HEINEKEN di Aruba Softball Bond dedica na dos baluarte Sra. Bertha Wolf Croes y Eugenio “Tan” Helder a continua riba veld di Dragon Hitters na Baracadera. Den categoria di A-Klas e ekipo Logros ta keda impresiona derotando Predators cu score di 9-2. Juan Chirino un bes mas ta bay e ruta completo pa pone e victoria riba su nomber mientras Enmanuel Cruz ta bay cas cu e derota. Logros 9 careda, 10 hit, 0 eror. Predators 2 careda, 6 hit, 4 eror. Miho bateadonan pa Logros a resulta Manuel Salcado 2-2, Milciades German 1-1, Edgar Batista di 2-1. Pa Predators a destaca na plato Enmanuel Cruz, Juan Sosa y Nigel St Jago tur a bay di 1-1. Weganan di campeonato 2017 ta continuando a toda maquina y durante weekend tanto na Dragon Hitters y na Pos Chiquito lo bay tin weganan valido pa cu campeonato.