Entrante April 2024 DiaLOGO lo brinda servicio na mucha y adulto cu dificultad den e area di comunicacion. Na DiaLOGO nos por yuda cu problemanan den e desaroyo di idioma, articulacion, stem, halamento di rosea y na adultonan mayor cu dificultad di gulimento.
Pa un cita por tuma contacto cu nos via WhatsApp na 746-3072. Ta traha solamente cu cita.
Nos ta situa na L.G. Smith Boulevard 160 (Sun Plaza Mall). Habri di dialuna pa diabierna di 8.00am pa 12.00pm y di 1.00pm pa 6.00pm. Y riba diasabra di 8.00am pa 12.00pm.
Na mes momento cera conoci cu e logopedista tras di DiaLOGO, Daniella Yarzagaray. Daniella a gradua na Hogeschool Utrecht y desde 2021 ta trahando cu mucho gusto na Aruba. Na Hulanda durante di su estudio el a enfoca principalmente riba adultonan mayor cu dificultad den comunicacion y gulimento. Desde cu e ta traha na Aruba el a cuminsa enfoca tambe riba muchanan. Mester añadi tambe cu entre mei 2022 y februari 2024 el a fungi como logopedista y a contribui na nos adultonan mayor na un cas di cuido akinan na Aruba. Logopedista Daniella ta haya hopi importante pa por brinda un ambiente agradabel pa un y tur por sinti nan mes comodo pa por desaroya den nan mes manera.
DiaLOGO actualmente no tin lista di espera, pues por haya cita inmediatamente. Por tuma contacto libremente pa mas informacion, pa cualkier duda of pa planea e prome cita.