Josette Burke, Youth worker na Heart Centered Leadership Foundation ta comparti di e 5 edicion di TaskForce di derecho di mucha. Den e edicion nan a presenta kico hobennan y muchanan a experencia durante e pandemia.
Tur e participante, incluyendo speaker manera director di Telefon pa Hubentur y Misha De Winter a intercambia opinion di kico tur a haci y ta haciendo pa yuda durante e momentonan dificil di e pandemia.
Sra. Burke ta bisa cu nan meta manera organisacion ta pa traha riba desaroyo di persona y profesional di nan hoben entre 14 pa 24 aña di edad. Nan ta organisa actividad, seminario, hoben kier forma parti di organisacion pa tin guia.
“Nos ta duna tools di con pa traha y tende nan. Pa nos ta mas den comunidad. Un aspecto cu a bin hopi dilanti durante e temporada aki ta e tema di salud mental den nos hoben. E momento di demotivacion, e ta birando mas fuerte”, e ta splica.
E punto importante ta pa vocifera mas pa traha riba esey y reenforsa den e problema cu tin pa locual ta trata salud mental. E ta bisa cu nan plan pa 2021 ta pa organisacion keda mas activo. Pa encurasha e hoben cu nan tambe tin bos ‘pa nos involucra e hobennan mas y pa nan duna nan opinion’.