Siman pasa diahuebs cu diabierna, tabata tin un delegacion di Aruba a biaha pa Edo. Falcon pa haci un acuerdo pa cuminsa trece pisca y fruta cu berdura bek na Aruba. Minister di Finanza Xiomara Maduro cu e desaroyo.
E apertura a tuma luga den reunion cu e Gobernador di Punto Fijo pa asina e productonan aki por bolbe bini, aunke e reunionnan a tarda un tiki. Na Aruba tambe a probecha e tempo pa tur locual ta scheef, pone esakinan recht. Lo check tur e controlnan y verifica cu e documentacion cu ta bay ricibi no ta bin falsifica.
Tambe reunion tecnico a tuma luga y yega na acuerdo entre otro, y e parti di mas importante ta cu di forma adelanta Venezuela awor ta bay manda e informacion pa via electronico riba cual boto ta bini, ken ta e tripulacion y kico ta e carga cu e ta bay trece. A repasa tur e documentacion y stempelnan legal y tur esaki ta bini delanta. Anto riba awa caba por tin un bista caba, anto e parti di e tripulacion cu ta hopi importante pa por controla di ilegalidad.
Asina ta cu no ta tur lancha tampoco ta permiti pa bin Aruba, ya cu par di luna pasa Minister Romero a prohibi un tipo di e lanchanan pa bin. Esunnan cu ta bin ta esun cu ta transporta netamente pisca cu fruta y berdura y eynan ta bay cuminsa cu e control y tripulacion di antemano mester sa.
E acuerdo aki ta dura toch un par di simannan pa por habri caminda cu na Venezuela tambe nan ta bezig cu cierto ehercicionan y informacion di esunnan cu ta bay exporta. Pa e ora por tin e documentacion pa sa kico ta e reglanan nobo, kico ta bay wordo transporta, cual ta e productonan pa tene tur e mesun documentacion y pa nan sa kico ta e reglanan y proceduranan nobo y documentonan cu ta bay wordo uza.
Awor tin esaki cu Estado. Falcon cu ta esun di mas cerca, pero ta keda un medidanan cu ta bay riba nivel nacional, caminda cu 11 di Juli ta bay tin reunion tecnico hunto cu delegacion di Aruba, Bonaire y Corsou pa tur hende bin cu e mesun linea. Awor akinan a logra e parti di transporte for di Estado Falcon cu Aruba cu tur e procedura y tur documento. Esaki lo keda un bon ehempel pa lo cual ta bira reunion di 11 di Juli cu transporte for di Venezuela na islanan ABC.
Esaki ta e control cu ta tumando luga caminda cu Duana ta bay haya full e cuadro di informacion aki hunto cu e diferente instancianan concerni manera Inmigracion, APA y Polis tambe y un otro grupo grandi, entre otro y esaki a tuma luga den un briefing oficial cu a tuma luga. Den dje ta haya tur e detaye.
Te awor aki tin e modelnan electronico di e emailnan cu ta wordo manda, ki informacion, , e modelo di Bill of Lading y Duana ta esun cu ta bay haya cu esun concerni hunto cu algun departamento di inmigracion cu e informacion destina pa nan por haci nan trabou. Tur informacion cu ta wordo manda, tanto esun cu ta bin como carga y cua ta e boto y e informacion aki ta bin hunto.
Barcadera tambe t’ey den e reunion informativo pasobra tin cu compronde cu si un barco no ta registra, e no mag di drenta tampoco. Esaki ta bin pa cera cabes den e parti di siguridad y sigui e mesun linea. Nan tabata tin e lus berde di Minister President pa por sigui e liña eynan. Siguridad ta e cos di mas halto, ta keda stricto riba e procedura pa ora frontera lo habri dia 7 di Juni pa locual ta fruta, berdura y pisca.
Awor tur locual cu drenta, y e no ta registra, e ta wordo confisca. Minister a splica cu si e mercancia no ta cumpli cu e procedura mester wordo confisca, caminda cu tambe tin cierto productonan cu no mag di drenta Aruba. Aworaki e frontera ta keda habri pa trece strictamente pisca, y fruta cu berdura.
Riba e parti di e productonan cu ta bay for di Aruba pa Venezuela, mester concentra riba esaki den e proximo reunion. Ta bay check riba e reglanan caminda cu tin barconan cu ta keda 10 dia tanten nan lo recoge nan mercancia, pero esaki ta den caso di Colombia anto mester analisa e caso di e barconan di Venezuela den sentido aki. Te asina leu, e relato di Minister di Finanzas, Sra. mr. Xiomara Ruiz- Maduro.