Diahuebs e Minister di Infrastructura, Sr. Otmar Oduber a combersa cu Director di DOW, Sr Croes, kende durante dia tawata tin contacto cu e contratistanan cu ta bezig cu Watty Vos Blvd.
E retonde na altura di Super Food ta parti di e proyecto PPP aki.
A palabra cu e director cu e situacion di trafico, caminda cu di tur banda trafico tabata pega no ta acceptable y tampoco por continua. Por a compronde cu DOW ya caba tin palabra cu e contratista pa sinta diabierna mainta y trece cambionan radical, diabierna mes, pa por logra agiliza e fluho di trafico den e area aki.
E situacion di trafico ta un dolor di cabes tanto pa nos localnan, taxistanan, tourbus, pero tambe nos turistanan. Ta hopi keho tin di turistanan cu ta bisa cu e situacion ta insoportabel.
