Lo bay manda un rapport pa DOW pa asina splica pa tuma paso riba e desaroyonan cu ta pasando den santana na Playa. Segun Marlon Pietersz di Bureau City Inspector, lo bay traha e rapport aki lo bay pa Serlimar tambe. Pasobra un biaha mas, City Inspector ta haya hopi keho, hopi reclamo di hopi di e trahadonan di e situacion cu nan ta traha aden. No ta eficiente y mester controla mas, wak rond un biaha mas. E opzichter tin cu wak kico ta pasando rond y si no tin peliger, hendenan cu ta haci fastioso eynan. Ora cu yega riba un situacion asina aki, mester haci algo. Esaki ta un wake up call pa tur hende. Tin cu siña traha miho y cuminsa tende. Tin un ploeg eynan, y tin cu controla. Aki por tende keho y lo por purba di haci’e mas miho posibel. Si mester yama polis, ta haci’e, pa asina wak pa e hendenan no wordo molestia pa cualkier motibo. City Inspector ta purba di haci esey, pasobra nan ta tur caminda, pero aunke cu poco hende. Ta haya ayudo di DOW. Nan ta depende di DOW y Serlimar. Pero tur por duna otro un man y conhuntamente por logra hopi mas atrobe.
GKMB tabata tin un otro itinerario, pero si a pidi pa nan bin pa asina controla. Nan a manda un grupo toch na Santana y a spuit. Atrobe nan tambe anytime cu mester di nan ayudo, GKMB ta manda hende. Atrobe comunicacion ta esencial, segun Marlon Pietersz.