Dialuna Sue Ann Ras a huramenta como miembro di parlamento den e periodo di gobernacion di Gabinete Wever- Croes. E ta splica di su metanan como parlamentario y retonan su dilanti.
Pa Sra. Ras e ta un emocion grandi, e ta algo diferente di loke el a experencia y e ta un sentimento di hopi emocion. E ta gradici pueblo cu a pone e confiansa den su persona, como tambe partido. E ta cla pa traha y cumpli tur locual cu a wordo priminti. Y eleva e nivel di parlamento tambe.
Mas aleu el a sigui bisa, cu e tin hopi aña ta traha cu hobennan. Y ta riparabel cu nan mester un role model. Si para keto un rato y di berdad, ban pensa kico ta wordo haci pa nos hobennan y nos muchanan cu ta bin, purba enfoca ariba esey y ban ta un miho persona.
Sra. Ras a focus hopi ariba enseñanza den su campaña. Enseñansa lo conoce un revolucion completo. Un 75% di nos poblacion ta di nivel di MAVO bay abao, cual ta unda e ta traha, lo mester eleva esey. E poblacion mester ta mas critico, cuestiona decisionnan tuma. E poblacion tambe por ta parti di tur es cosnan aki, pa por tin un miho Aruba.
No por permiti pa e muchanan sigui drop out. No por ta asina cu no tin deseo pa sigui siña y pa ta miho den nan bida. Esey ta e parti duna cu tur como adulto, para keto y puntra cada biaha puntra ki mensahe ta hiba pa nos muchanan. Con ta motivanan pa nan ta miho persona y pa ta educa. Educacion ta keda tur cos den bida.
MENSAHE
E parti, como parlamentario, nan tin e meta pa eleva e nivel di parlamento y pa nan bay na un nivel hopi mas profesional. Ora di papia di parlamento, e hendenan no ta duna e credito cu locual cu bo ta haci den bo trabao. Su trabao como docente, el a haci’e di curason, y e ta sigur cu e team cu nan tin aworaki, tur ta ariba e mesun liña. Nan kier crea un otro imagen di kico ta parlamento di Aruba y di berdad, traha pa pais Aruba.