Tur aseguradonan inscribi cerca dokter di cas Jose Dassen, cu pa algun tempo caba cu oficina di dokter di cas di Dr. Dassen tabata wordo ocupa pa algun dokter di cas como reemplasante. E situacion aki a yega su final y AZV a logra haya un contrato cu’n dokter di cas nobo. Esaki lo ta dr. Reina Fernandes, kende lo tuma over e practica di Dr. Dassen entrante 1 di September 2017. Sr. Solange Tchong ta splica mas.
Esaki ta nifica cu e aseguradoann cu tabata oficialmente inscribi na Dr. Dassen lo haya un dokter di cas permanente. AZV a firma un contrato pa un tempo indefini cu Dr. Fernandes, pa asina e duna e servicio na e aseguradonan di AZV.
Dr. Reina Fernandes a nace na Paramaribo, Suriname pero a biba gran parti di su bida na Hulanda. El a studia na Hulanda, tanto medicina general como ciencia di salud. Despues el a bay haci su specialisacion pa dokter di cas na LUMC na Leiden. El a finaliza su estudio como dokter di cas na 2013. Despues di e esey el a bay busca mas experencia y a haya esaki y el a traha Huisartsenpraktijk Kersch, Gezondheidscentrum Vlaardingen, segun Vocero di AZV, Solange Tchong.
Dr. Fernandes ta un dokter di cas cu ta papia diferente idioma, Ingles y Hulandes. E tin conocemento basico di Spaño y Frances y actualmente e ta den full preparacion siñando papiamento pa asina e duna e miho servicio cu e por na e aseguradoann di AZV.
Den caso di traspaso autoamtico di Dr. Reina Fernandes, AZV ta avisa e asegurado pa medio di un carta, unda ta notifica di e cambio. Den e caso aki tambe ta conta, cu si e asegurado no ta di acuerdo cue traspaso, lo brinda e oportunidad pa cambia dokter di cas. Loke si ta pidi cu e asegurado tene cuenta, cu por cambia solamente pa e practica di dokternan di cas cu tin luga.
Pesey ta zorg pa AZV tin un persona pa tuma over e practica y despues di esey semper ta brinda e oportundidad y si di berdad e asegurado no kier bay na e practica aki, e por haci su escogencia. Mester tene cuenta cu AZV ta haci esaki cu e continuidad di cuido mester sigui. E prome recomendacion di AZV ta pa esunnan sigura cerca Dr. Dassen, y awo ta cerca Dr. Fernandes ta pa tene pasenshi, y siña conoce pa e por duna e servicio na e asegurado, segun Sra. Solange Tchong, vocero di AZV.