Otro siman un biaha mas Aruba Hypnosis Center lo presenta e curso “Mastering the Art of Self-Hypnosis” y ainda tin algun luga habri. E curso ta tuma luga ariba diamars dia 25 di October y diahuebs dia 27 di October di 6:30 pa 9:30pm.
Tur hende por siña haci self-hypnosis y durante e dos dianan e participante lo siña entre otro kico ta hipnosis, con hipnosis ta sinti, kico ta e diferencia entre hipnosis y self-hypnosis, kico ta berdad di e storianan cu ta bay rond ariba hipnosis, ta berdad hypnosis ta un estado natural, ta berdad cu e por haci cambionan positivo den bo bida, con pa haci self-hypnosis, con self-hypnosis por yuda bo logra bo metanan y mucho mas. E curso lo ta na Papiamento pero tur e material lo ta na Ingles.
Hipnosis ta mes bieu cu humanidad y storianan bieu y anticua a wordo reemplasa pa estudionan cientifico cu ta prueba e efectividad di hipnosis.
Den e ultimo añanan masha hopi hende na Aruba a siña haci self-hypnosis y e aña aki so mas cu 50 hende a termina e curso. Cada participante lo ricibi un certificado pa nan participacion.
E curso ta wordo presenta door di Eddy Oduber cu ta un instructor certifica den hipnosis. E ta director di Aruba Hypnosis Center y tin ta practica hipnosis pa mas cu 10 aña. For di un edad masha jong e tabata intriga cu e mente. Despues di a tuma diferente curso, na 2006 el a certifica como hipnoterapista specialisa pa yuda hende stop di huma. Babuca cu su resultadonan cu hipnoterapia el a cuminsa busca pa comprende hipnosis miho. Tumando diferente curso y invertiendo hopi ora, el a wordo entrena door di e expertonan mas destaca den e ramo.
Pa mas informacion ariba e curso por tuma contacto cu Aruba Hypnosis Center NV na e-mail: [email protected].
- Latest
