Lo stop di duna permiso pa personal domestico den e maneho nobo

Pa loke ta trata personal domestico, Sra. Kathy Paskel, directora di DIMAS a splica cu esaki tambe ta bay conoce tres componente nobo.

Ta bay tin componente di edad, cu na momento di aplica pa su prome permiso, no maga di ta bou di 25 aña y no mas di 55 aña. Grado familiar tambe a conoce cierto limitacion. Ya no mag di trece familiar como trahado domestico. Un excepcion ariba esaki ta si ta trata di un mayor, pero e mester pas den e cuadro ya menciona anteriormente. Un cambio tambe ta trata personanan cu ta bin pa cuida personanan di edad. Hopi biaha ta wak cu e persona su mes no por cumpli cu e entrada anual pa e por cumpli cu e trahado domestico na e trahado. Di awo padilanti, e grandi tambe por pone entradanan combina, di un yiu of den e caso aki di un yiu y su pareha, pa asina complementa y cumpli cu e entrada anual cu DIMAS ta exigi pa para garante.

Riba e tereno di vivienda, di locual ta wordo considera un vivienda domestico, esaki tambe a conoce ahustenan, cu ta mas bien un ampliacion, di locual ta wordo considera un vivienda domestico. Mas aleu, Sra. Paskel a sigui bisa cu loke a wordo defini ta e gruponan den cual bou condicion personana cu ta aplica pa prome permiso, por spera esaki na Aruba. E regla ta cu e prome permiso mester sper’e den exterior. Den e caso aki, minister a defini cua grupo di persona of categoria y bou cual circumstancia nan lo ta permiti pa warda nan contesta ariba nan aplicacion na Aruba. Aki a defini un total di 10 grupo, cual ta reunificacion familiar, den cuadro di e maneho cu ta keda vigente, cu ta tres aña minimo legal prome cu por aplica pa un famia. Ariba e maneho aki ta defini cua ta e categorianan cu ta wordo exonera di e maneho aki, pero tambe casa di localnan, si nan a entrega nan aplicacion na DIMAS, durante e periodo cu nan tin estadia temporal como turista vigente. Pa nan, nan mag warda nan contesta na Aruba, como tambe dentista, director di companianan, personanan clave, CEO, COFD, companianan grandi cu ta genera mas di 10 miyon. Personal domestico, pero specifico si ta trata di cuido di hende grandi, mucha of hende grandinan cu tin necesidad special, como tambe e studiante cu ta bin pa sigui su estudio avansa, na Aruba, Hulandes y mericano cu ta aplica pa haya un permiso na Aruba. Tambe staigaire y esunnan cu tin un conseho positivo di DPL pa subi mercado y den un tempo rasonabel a entrega nan peticion na DIMAS. Tur esakinan den cuadro cu nan a drenta Aruba y nan estadia como turista no a vence ainda, y a entrega nan peticion na DIMAS, por spera nan peticion na Aruba. Tur otro grupo lo mester warda nan peticion pafo di Aruba, y por drenta bek ora cu comunica na dje cu evaluacion a resulta positivo y e ora DIMAS lo emiti un documento VTTA, cu cual e personana por drenta pa finaliza e ultimo parti di e proceso cu ta e control medico na Aruba. Pero den tur e casonan aki, naturalmente DIMAS lo bay evalua e dossier y si tin otro circumstancianan cu ta conduci cu e peticion ta wordo nenga conforme e maneho vigente. Y si e persona ta un di nan cu por a warda su contesta na Aruba haya un contesta negativo, lo mester bandona Aruba.

Tur esakinan, y tambe mas otro maneho cu a wordo introduci pa companianan cu ta a conoce cambio, pa locual ta e cambio di inversionista, e suma cu’n hende por wordo considera socio a subi esaki di 50 mil te 250 mil. A bin tambe cu’n maneho, di cuanto e inversion ta cu nan por trece un persona di confianza, sin cu nan tin cu pasa e toetsing di mercado laboral. Esaki no ta un maneho los di e minister di Labor, pero ta un maneho bon canalisa cu e minister concerni, segun Sra. Kathy Paskel, directora di DIMAS.

Comments

comments