Ora caya grandi a wordo renoba tabata tin cierto aspectonan cu no a wordo tuma na cuenta, segun Sr. Andin Bikker, minister di Husticia a splica. Cierto cablenan a wordo yena cu cement. Caminda cu mester tabata tin fiber optic conection, esaki tabata tapa.
Diferente factor nan lo ta influi riba e situacion aki manera cu e areglo di coriente, unda cu nan a haci un calculacion corecto ariba e belasting di coriente. Comercio tambe sa di e retonan aki, for di bou di e gobernacion anterior caba. Cierto caminda no lo tin nada di iluminacion y siguridad ta un risico pa comunidad.
Comerciantenan lo enfrenta un reto unda cu Minister a splica cu ta bezig rondia un solucion pero cu mester ta consciente cu gobierno nobo lo tin apenas 3 luna y mei unda esaki no por wordo resolve djis cu primi un boton. Diaranzon e ora lo ta bin un reunion unda lo bay sinta pa busca solucion, unda un di accionnan lo ta pa pone mayor patruyahe den e zona y busca e posibilidad pa haya iluminacion di energia solar door cu e instalacion electrico no tin suficiente capacidad di coriente.
Gobierno anterior a purba implementa e tecnologia di uzo di camaran rond di Aruba y unda lo por a haci monitoreo di diferente areanan pa controla delincuencia, referiendo cu esaki Minister di Husticia a señala cu nan tambe lo kier contempla e posibilidad pa continua cu e sistema aki unda cu lo mester sinta deal cu e compania priva aki. Tin cierto cosnan cu no a bay bon, pero mr. Bikker ta buscando solucionnan y p’esey ta motibo pa cual ta keda busca un solucion alternativo cu e mesun compania aki ken lo tin e contract di e sistema di camaranan. Di e manera aki lo zorg pa e challenge aki di combati criminalidad y delincuencia na Playa pero tambe rond di henter Aruba .
Den conclusion lo tin iluminacion, mayor patruyahe y wak cu comerciante kico nan lo por implementa den forma individual tambe pa yuda riba esaki y check e otro factornan social entre otro cu por ta wordo afecta riba e situacion aki. E adictonan ambulante ta esunnan cu ta ocasionando basta molester. Lo bay tackle esakinan tambe. Y minister di Salubridad ta trahando duro ariba esaki.
Mester wak kico ta e factornan cu por ta contribuyendo, e factornan social cu ta pone personanan ta descarila y ta bira un molester pa sociedad.
Tin un parti di e departamento di Husticia cu ta adresando y buscando conhuntamente cu e compania aki un solucion pa reactivacion di e sistema di camaranan. Pero no ta e camaranan so ta den e maneho, pero tambe e dronenan, cu ta buscando diferente oferta. Tambe Cuerpo Policial tin un comision special pa bin cu’n consheo ariba esaki pa bay den direccion mas pronto posibel pa monitor dronenan. Un otro aspecto, ta esun di helicopter y e tin su retonan, cu e tin su presupuesto pero pais Aruba ta pasando un situacion economico financiero desastroso di e gobierno anterior.
Minister di Husticia kier drecha y optimalisa e maneho mas pronto posibel pero si no tin e fondonan disponibel, esey ta bira un reto.
Den tdo caso, Departamento di Husticia lo keda bezig riba e reactivacion di e sistema di camaranan si e berdad e lo por ta financiabel pa gobierno unda cu nan lo keda warda riba conseho di specialistanan riba e area anto e ora lo keda traha den e direccion ey, asina Minister Andin Bikker a conclui.