Finalmente despues di 8 aña di intachabel labor e Korpschef Interino di Cuerpo di Polis saliente Sr. Adolfo Richardson a haci e traspaso formal di mando pa Sr. Andrew Hoo. Minister di Husticia Andin Bikker ta informa.
Asina ta cu fin di aña pasa esaki Minister Bikker a haci posibel esaki y alabes a duna un gradicimento special na Sr.Richardson pa su labor. Riba esaki ya caba cuerpo di polis a cuminsa traha pa intensiva e patruyahe den e area hotelero anto siman pasa tambe a drenta den caya grandi despues cu reunion a tuma luga cu e comerciantenan pa reforsa e siguridad den e area.
Un apelacion di Minister tambe a wordo haci na Korpschef riba reforsa e siguridad y pone mas polis riba caya, cu unidadnan cu auto pero tambe riba bais y awor aki y cu mas vehiculo disponibel cu a wordo haya recientemente, sigur e visibilidad lo keda aumenta.
Tambe cu aprobacion di presupuesto lo tin mas espacio financiero y por bin cu helicopter den futuro pa mayor visibilidad y uzo di tecnologia cu drone tambe pa optimalisa e sentido di siguridad pa pueblo y turistanan.
Tecnologia nobo a wordo hinca den presupuesto cu a wordo presenta na parlamento, como plan di maneho integral pa restaura siguridad pa pueblo y pa promove e uzo di tecnologia den cuerpo policial cu ta bay tin tabletnan den autonan, inter link cu inter face hunto cu censo, y pronto chip den numbernan di auto pa controla cu tur cos ta na ordo y pa ultimo lo por a chek si e nomber di un hende ta berdadero y si e ta cuadra cu censo. Asina haciendo uzo di e tecnologia asina aki ta garantisa mas siguridad na pueblo.
Pa ultimo cu traspaso dii mando na Korpschef Interino nobo ya caba bay over di e plan di maneho pa prevencion y combatimento den criminalidad ken sigur ta bin aplica su background con su experticio y experiencia den Cuerpo Policial, segun minister di Husticia, Sr. mr. Andin Bikker.