E fundacion di Aruba Hospitality & Security Foundation di enberdad ta yuda reenforsa siguridad den sector turistico. Safety ta e palabra esencial pa turismo. Sra. Tirsa La Sorte, CEO di AHATA cu e relato.
Turismo ta nos industria di mas grandi, pero e ta hopi fragil. Si algo bay fout, bo ta cay pisa. P’esey tin e fundacion aki, cu recientemente a eligi un directiva nobo, lo sinta atrobe pa crea un plan pa futuro di con lo kier coordina cu polis. Y Sra. La Sorte ta spera cu nan por sinta cu Minister di Husticia tambe di kico ta nan plannan y con e fundacion por yuda den e fundacion ey.
Loke kier reenforsa ta e relacion entre e teamnan di security di hotelnan y polis. Ya caba tin comunicacion hopi bon diariamente. Pero kier haci tambe miho educacion, hisa e nivel di comunicacion pero tambe hisa nivel di prevencion di crimennan. Tin cosnan chikito y cosnan grandi y tur ta peliger pa turismo. E fundacion a zorg pa tin waverunner, mas quadracer pa polisnan por patruya mas, mas polis lo por zorg pa mas siguridad. Eduacion tambe lo yuda pa reenforsa e parti aki.
Tin hotel cu tin security cu ta nan mesun personal y otronan ta di pafo. E ta un challenge pa e companianan ey pa mantene e empleadionan. Y nan kier ta sigur cu e empleadonan ta hende bon cualifica. Y esey nan kier ta sigur cu nan lo propone algo cu nan ta sigura cu e empleadonan ta bon cualifica pa e trabao pa nan ta fiel y asina sigura continuidad.
E AH&SF lo bin cu’n proyecto di camara cu ta den proceso caba. E ta un sistema di camara cu tin su centro di comando y esey ta pa e Palm Beach Area mas tanto. E command center lo ta na Strandpolitie. Awo cu ta creando plan pa 2019, ta wak kico mas por haci pa expande e tipo di esfuerso ey.
Tin hopi mal informacion, cu hopi hende ta asumi cosnan cu no ta berdad. Hotelnan tin camara y team di siguridad caba cu ta comunica cu otro. E comunicacion ta esencial. Tin hopi inverti caba y tur ta willing pa inverti mas, pero cu’n bon plan. Importante ta cu ta bezig cu algo importante pa tur y lo dedica mas na esey. Te asina leu, Sra. Tirsa La Sorte, CEO di AHATA y Aruba Hospitality & Security Foundation.