KENIA – E dos ultimo hembranan di e rinoceronte blanco di nort cu ta existi na mundo, Fatu y Naim, lo wordo stimula hormonalmente e aña aki pa obtene ovulonan pa fecundanan den un laboratorio, tras di e exito di un ekipo di experto cu e subespecie ruman di e rinoceronte blanco di zuid, Efe a informa.
“Esaki ta e mamifero di e planeta cu ta mas den peliger di extincion,” Jan Stejskal a señala na EFE, vocero di e dierentuin Checo di Dvur Kralove, propietario di e animalnan, cu ta biba actualmente den e reservacion Keniano Ol Pejeta Conservancy,
Cu e metodo aki di extraccion di e gameto femenino conoci como “ovum pick-up” (OPU), nan lo purba di salba e subespecie di e rinoceronte blanco di nort (Ceratotherium simum cottoni), cu ta existi den actualidad solamente cinco ehemplar, cu ta incapas di reproduci door di medionan natural.
E ovulonan di e hembranan lo wordo fecunda cu sperma gevries, pa purba obtene embrionnan cu tambe ta gevries.
Ta mas viabel vries un embrion y no un ovulo, Stejskal a splica.
Esaki lo duna tempo na expertonan pa desaroya e tecnica di implantacion den e utero di un hembra di rinoceronte blanco di zuid (Ceratotherium simum simum), cu lo ta e mama substituto.
E rason ta cu Fatu, pa un cierto patologia di e martiz y naim, pa e defectonan den su patanan patras, “no por hiba e embaraso den un bon termino,” e vocero a bisa.
Fuente: El Universal