Aruba Entertainment 2020 ta un organisacion cu a cuminsa algun luna pasa pa yuda sostene musiconan cu a cuminsa pasa den diferente reto den cuadro cu e pandemia. Awor porfin a yama e mundo di entretenimento hunto cu e grupo aki – algo cu pa mas cu 30 aña no a tuma luga – den e caso aki pa pone cabes hunto pa mira con por sali for di e situacion actual.
Awe durante un rueda di prensa, e grupo a bini cu algun informacion reciente y recordatorio riba diferente punto importante pa tene na cuenta cu ne. Ofo Escudero ta splica cu nan tin e orden di para musica si ta ripara cu hende no ta tene nan mes na reglanan palabra.
E musiconan y entretenedornan tin hopi anja caba ta eherce e trabao aki, pues na un manera hopi cordial lo pidi pa por fabor calma e situacion si cos cuminsa bay for man pa evita cu mester stop completamente di toca y caba cu e evento. “Nos tin cu uza e miho manera pasobra nos no kier tin discordia, pero mi ta kere cu mayoria hende semper ta cumpli cu regla y por ta un par di hende cu nunca ta gusta traha cu regla, esey por ta lo ta un reto pa nos, pero nos no ta wak cu esaki lo ta un problema”, segun sr. Escudero
‘Code Blue’
Aworaki tin un codigo Blauw pa musico y entretenimento, a base di palabracionnan cu Crisis Team Aruba, na unda tin diferente protocol pa sigui. Nan lo t’ey na tur establicimento pa sigura cu hende ta na altura di e reglanan stipula, cual bo por lesa den e siguiente documento: