En conexion cu e di 15 aniversario di Cuerpo Especial Arubano, Minister di Husticia, mr. Andin Bikker desde cu el a asumi su cargo como minister, el a ripara e importancia di CEA den no comunidad. E ta sigui elabora ariba e tema aki.
Durante dianan di fiesta, a haci apelacion ariba CEA pa, sea vigila instancianan y tambe pa duna cooperacion y pa duna refuerso na institutonan importante di nos pais. Si mira e tareanan amplio cu CEA tin y a bin ta desplegando, e minister ta sumamento contento di e departamento aki.
Ta un honor pa e minister di a conoce un di e co fundadonan, Sr. Ronnie Paskel (d.f.m.) y ta wak cu sumo placer cu e instancia cu sumo placer, un instancia cu 15 aña pasa a wordo incorpora, awe ta desplega un trabao importante den e siguridad di nos pais.
E trabou di CEA lo ta hopi valioso pa loke ta trata e seguridad na nos pais, y tumando na cuenta tambe e plan cu tin pa reoptimiza nan funcionan y nan recursonan cu lo bay hunga un rol tambe pa yuda riba prevencion di criminalidad pero tambe den e area di administracion di husticia, segun e minister di husticia.
Instituto coreccional tambe lo cay bou Cuerpo Especial Arubano y tambe lo tin plan nan pa renobacion di e institucion aki. Un otro funcion di CEA ta di encarga cu e traslado y custodia di e detenidonan como un plus den nan funcion di salvaguarda nos edificionan di gobierno, nos ciudadanonan y mandatarionan, y voraal pa zorg pa e siguridad di nos bishitantenan.
Ora cu S.M. rey Willem Alexander a bishita Aruba, CEA tabta tin un rol hopi importante, den e siguridad den conhunto cu otro instancianan manera Cuerpo Policial, pa salvaguardia e orden publico y naturalmente e proteccion di su Majestad.
Pa conclui Minister di husticia a haci enfasis riba e echo cu nan ta haya mas apelacion y solicitudnan pa amplia e siguridad no solamente na e luganan tradicional, pero tambe na algun otro instancianan gubernamental cu a solicita un mayor despliegue di seguridad.
Tur esaki ta contempla pa por logra duna e miho servicio cu ta posibel di parti di CEA caminda cu nan lo bay crece den number di funcionario tambe, alabes cu mas institucionan gubernamental y hasta scolnan lo cuminsa haya mas proteccion rond di Aruba, segun minister di husticia, mr. Andin Bikker.