Aruba a finalisa 2017 cu’n averahe di ocupacion di 85%, cual tabata un aumento di 5 punto, compara cu 2016. Sr. Jim Hepple di AHATA ta amplia mas ariba esaki.
Aruba tin un aumento di 11% den e ref, cual ta e indicadonan principal pa AHATA, y esaki ta un di e mihonan di e ultimo temponan. Sr. Hepple ta sigui bisa cu turistanan di Merca a aumenta cu 10% y esaki tabata e resultado no solamente di hotelnan, pero tambe di mercadeo di ATA, como tambe e aumento di vuelonan procedente di Merca, cual a yuda den e aumento di 10%.
Pa Aruba, 2017 tabata un aña bon pa Aruba y e tendencia aki ta mustra di sigui den 2018. Loke mester haci ta focus ta di trece mas bishitantenan afluente, economicamente bon para, ya cu turismo ta forma 90% di Aruba su economia, y mayoria di habitante ta depende directamente of indirectamente di turismo. Gobierno su entrada tambe ta depende, di un manera of otro di turismo. Si a mira un aumento den e turistanan di Merca. Loke si a ripara cu e turistanan di ultimo temponan ta gasta mas den e comunidad, door di haci uzo di taxi, come den restaurant, etc.
Mester sigui cu e mercadeo y focus pa trece turistanan cu ta gasta pa Aruba. Pa 2018, lo mester traha pa trece e bishitante ideal pa Aruba. No solamente sinta y bisa cu nos ta bayendo bon pa loke ta trata ocupacion di cambernan di hotel. E reto mas grandi ta cu e cantidad di vuelonan lo no aumenta manera cu na 2017. Pero lo por wak un aumento di solamente 5% compara cu 2017. Ainda ta trempan den aña y esaki por cambia, pero obvio ta cu ainda por tin cambio, pero esaki lo por ta e indicador principal.
Un di e retonan mas grandi ta, particularmente cu Merca, specialmente den temporada di zomer, pa no tin menasanan di horcan, manera aña pasa. Nos mester ta hopi consciente y recorda e personanan, pa medio di mercadeo agresivo, cu Aruba ta situa pafo di e zona di horcan, manera a haci aña pasa, segun Sr. Jim Hepple, di ATA.