Directiva di Aruba Softball Bond a wordo eligi 13 di December ultimo ta moviendo riba un velocidad bastante halto. Den nan di 2 “Boardmeeting” den 2018 nan ta preparando stategia pa ehecuta structuralmente nan planes. Sinembargo a infoca hopi introduccion di un sistema digital di scoring. Bou di encargo di Estefano Croes y Alfred Huntington e proyecto aki ta avansando pa asina hasi un presentacion oficial mei mei di Februari na ASB di acuerdo cu e necesidadnan di ASB. Tur Liga y tambe tur torneonan cu ASB auspicia den 2018 lo bay hasi uso di e sistema aki. Esaki ta brinda no solamente resultado y “Stats” al instante pero tambe mundialmente tur hende por sigui tur wega estilo “play by play”. Otro punto cu a wordo trata ta e Liga Especial cu ASB lo organisa den luna di April. ASB lo importa 5 pitcher di un alto nivel y lo pone esakinan disponibel pa 5 equipo miembro den klasse AA. Lo hunga un luna largo estilo di double header. ASB kier logra pa tur su miembronan adapta y siña conoce e pitcheo internacional desaroyando habilidadnan di nos atletanan. Alabes dicho pitcher mester siña pitchernan di e equipo cu el a bin hunga pe. E torneo aki lo ta uno open unda solamente miembronan di ASB por participa. Hungadornan di tur ekiponan miembro por reforsa un di e 5 equiponan aki sin mester pasa e proceso di overschrijving. Esaki ta conta solamente pa Liga Especial. Den luna di Mei momento campeonato oficial inicia e regla di overschrijving ta keda uno valido. Softball den pleno desaroyo.