Aruba, Corsou y probablemente Boneiro ta bay firma un MOU pa demostra nan interes pa sigui dilanti cu e proyecto. Sr. Rafael Estrada, di San Nicolas Business Association, ta elabora mas ariba e proyecto aki.
Despues cu e MOU aki keda firma, e gobiernonan ta bay dicidi cua ta e operador di e Fast Ferry. Ora defini ken lo ta e operador, e ora lo bay sinta cu e paisnan y e operador, pa determina den un documento huridico tur e compromisonan cu mester wordo haci pa e proyecto aki bira realidad. Ta calcula cu e proceso aki lo tuma por lo menos seis luna.
Despues di esaki lo tin un Public Service Obligation, cu ta e documentonan cu fiha tur e compromisonan cu a keda haci entre e tres paisnan y e operador.
Por ulimo, Sr. Estrada tambe ta mustra cu e tereno na San Nicolas ta suficientemente grandi pa desaroya un proyecto asina. E ta calcula cu e proyecto lo keda cla pa fin di 2019.