E conferencia internacional di Oceano a conta cu delegadonan di diferente pais den Caribe, e.o. Merca te cu Brasil. Nan lo delinea e maneho pa proximo añanan di IOC, cu ta e organisacion intergubernamental di UNESCO. Nan mandato ta pa Nacionnan Uni pa delinea e maneho di ciencia maritimo, y diferente otro casonan cu tin di haber cu lama.
Dr. Marck Oduber a resalta e importancia grandi cu esaki por tin pa Aruba. Ta basta tempo caba esaki tabata den planes pa haci e conferencia na Aruba, mirando e importancia di e conferencia. Uno, e ta un conferencia internacional grandi di lama na Aruba, vooral e prome dia cu e ta e International Ocean Conference Day, unda cu hopi expertonan internacional. Y tambe expertonan local cu a duna informacion cu hopi topico relaciona cu lo wordo trata durante e siman di conferencia.
Algun di e temanan ta oilspill, sargasm, pronostico. Tambe tabata tin e parti di coralnan, cambionan climatico, etc, cu lo wordo trata pa expertonan internacional. Diamars te cu diabierna, e delegadonan lo mester bay delibera ariba aspectonan ya menciona y bin cu maneho pa IOC, cual lo ta e maneho pa mundo pa loke ta lama.
RETONAN
Un di e retonan grandi ta cu Aruba ta rondona door di lama. Lama tin su peliger y su beneficionan. Nos tin beachnan bunita, unda cu turistanan ta bin pa nos lama. Mayoria di infrastructura importante di Aruba ta pega cu lama. E vigilancia di lama y haci investigacion ariba ciencia maritimo ta di sumo importancia, pa conta cu bon ekiponan necesario pa observa, ekiponan pa haci modulacionnan. Sigur cu pa Aruba, unda ta biba y come hopi di lama, mester monitor esaki sigur. E cambio climatico lo tin su efectonan ariba lama y mas cu lama tabata un buffer y ta yuda hopi, e tambe ta sinti e efectonan di cambio climatico.
IMPORTANCIA DI CONFERENCIA
P’esey segun Sr. Oduber, conferencianan grandi relaciona cu ciencia maritimo ta bon pa tin na Aruba, y cu esey tambe, ministerio di educacion, ciencia y desaroyo sostenibel, a bisa cu e confernecia ta hopi importante y a yuda hopi den trecemento di e conferencia pa Aruba. Y Sr. Oduber, como vice presidente di IOC pa Caribe, tabata esun cu a dirigi mayoria di e maneho di e organisacion local. Ta asina leu cu henter e organisacion ya caba ta andando y tur cos ta canando bon.
NACIONNAN UNI
E hecho cu tin expertonan di hopi nivel internacional, di Nacionnan Uni, cu ta participando den e conferencia aki, ta duna oportunidad pa informa e gobernantenan riba e importancia di lama, y tambe e maneho cu ONU ta hibando, y cu IOC y UNESCO ta hibando tambe. Esey ta duna oportunidad pa informa gobernantenan y mustra nan e importancia di lama y e maneho cu Nacionnan Uni of UNESCO/ICO ta bay ta hibando. E data cu si wordo hiba na gobernador y tambe despues hib’e pa pueblo, obviamente ta crea e importancia di lama y ciencia maritimo, cu ta sumamente importante pa un isla manera Aruba.
Tur e informacion aki cu Parlamentarionan presente tambe ta haya lo wordo transmiti na Gobierno y Gobernador y seguidamente na e pueblo di Aruba pa tambe ta conciente riba e importancia cu lama tin pa nos pais