A wordo acorda den palabracion cu Minister y Cuerpo di Bombero, pa haci tur nan esfuerso pa den aña 2018 ainda, cuminsa ordo e unidadnan nobo, esaki segun espacio financiero ta permiti. Minister di Husticia, mr. Andin Bikker, ta splica.
Un di e solicitud ta pa loke ta trata pa e autonan brandplus generico of normal pero tambe e di dos cu ta e truck cu tambe a keda wanta pa motibonan presupuestario. Motibo cu ta bay den e direccion aki ta cu cu mester tene na cuenta cu ora ta ordo un tipo di vehiculo asina e por tarda di 9 luna pa 1 aña prome cu por hay’e y mester tuma e pasonan lihe pa por logra.
Tambe tin na cuenta e trahenan di proteccion di Brandweer unda cu a wordo dicidi di haya e oferta necesario pa bay na Minister y haya e aprobacion rekeri y awe e reunion a bay hopi fructifero riba esaki pa haci e trabou mas optimalmente.
Riba e temporadanan di horcan cu Dera Gai, Cuerpo di Bombero ta den proceso pa reactiva e unidadnan cu tabata for di funcion. Pero mirando cu cada biaha ta ‘patch up’, lo kier yega na un sistema structural pa haya e materialnan nobo necesario y por keda traha pa un bon temporada un cu bon mantencion.
Den casonan cu por tin un candela den un edificio manera e incidente cu a sucede den pasado na la Linda, mr. Bikker, e mandatario di Husticia, ta splica cu Cuerpo di Bombero ta prepara cu e trucknan. Mester cumpli cu cierto exigencia internacional y Brandweer tin e IKIO cu ta e permiso valido, anto tin cu premira tur esaki y tuma decisionnan diligente pa por tin tur e material na tempo.
Den todo caso e decision t’ey caba pa den 9 luna pa 1 aña por haya un flota di vehiculonan y ekiponan nobo. Comunidad por sinti su mes trankil cu Cuerpo di Bombero ta prepara pa cualkier incidente. Pero esey no ta kita cu gobierno anterior a laga cosnan pendiente cu nan no a anticipa, na un manera diligente. Pero e gobierno actual si ta bay cumpli cu e rekisitonan di brandweer, segun e mandatario di Husticia, mr. Andin Bikker.