Problema di adiccion cada dia ta birando pio, y mas ainda pa locual ta e adictonan
ambulante, pa cual minister di Salubridad, Sr. Dangui Oduber ta elabora ariba esaki.
E problema di adictonan ambulante ta un problema hopi serio y como ministerio nan tin un
plan integral pa atende cu e problema di e adictonan ambulante. Algun siman atras Stichting Respaldo a keda funda, pa trata adictonan cu problemanan sikiatrico, cu ta wordo yama Double Trouble.
Tambe Minister Dangui Oduber a reuni cu FADA y tambe FMAA y e intencion di parti di
ministerio di Salud kier yega na un plan integral caminda tur e fundacionnan aki ta bay traha hunto. Aworaki tin hopi fundacionnan cu ta atende cu diferente di e problemanan aki pero no tin un cuido integral. Esaki nunca a wordo integra.
Aruba por haci uzo di e experticio na Santo Domingo y Bonaire, tambe cu tin un fundacion
cu a integra e cuido pa cu e adictonan ambulante aki. Loke a keda palabra cu FADA ora cu
nan a reuni ultimamente, cu nan a yudanan cu esaki y e compromiso di Aruba ta cu lo pone mas fondo disponibel, apesar cu e situacion financiero no ta cos di gaba. E ta un reto pa yega na e fondonan, pero ta cuestion di pone prioridad unda e necesidad di comunidad a.
E problema aki sigur ta un prioridad pa su ministerio pa yega na e fondonan, aloca esaki nan y atende cu e problemanan aki. Nan no por garantisa cu nan lo elimina e problema aki, pero si nan lo atende cu e problema aki na un forma profesional, structura, organisa y integra e cuido pa asina e pashentnan aki haya e ayudo cu nan tin mester. Cada pais ta atende cu e problematica di adictonan na nan manera, y recientemente staatsecretaris di Salud Publico, Sr. Paul Blokhuis y a tene un dinner cun’e, y durante e dinner a intercambia varios idea cu otro. A pidi cooperacion di Hulanda, den e caso di adictonan ambulante, ya cu nan tin nan sistema pa cu e adictonan aki. Y el a duna tur e cooperacion necesario pa yuda cu e problema aki.
Sr. Oduber ta kere den un cooperacion sigur den Reino, y mirando cu nan ta mas cu
dispuesto pa yuda, esey sigur lo yuda Aruba pa fiha un maneho cu ta dirigi pa yega na
solucionnan. Esey ta vision pa cu e maneho di adictonan ambulante di e Ministerio di
Salubridad Publico.