Tin cu bay prome pa e base. Por ehempel ora cu hende bin na e consulta, eynan caba por observa cierto cosnan. Eynan caba por haci algo segun guy Couturier cu ta bini di Hulanda.
Actualmente nan ta bezig cu un opleiding di dos aña pa specialista di IAMA, cual ta dokternan ta specialisa den traha cu muchanan di entre 0 pa 5 aña. E opleiding ta consisti di un cierto cantidad di bloknan. E ta un opleiding reconoci na Hulanda.
E curso ta uno hopi importante pa Aruba. E prome dianan di un baby ta esunnan mas importante pa resto di su bida. E prome aña di e mucha ta laga un impresion duradero. Esaki ta di sumo importancia pa e dearoyo di su celebro, pero un celebro ta desaroya mas despues den un relacion duradero.
E relacion entre mayor y e yiu ta hopi importante den e bida y desaroyo mental di e criatura. E problemanan social a keda mescos, desde 1998. Hecho ta cu no a sigui duna guia na e muchanan y esaki ta trece cun’e, cu e mucha ta crece y bira un persona infeliz durante su bida adulto.
Pesey aworaki lo haci un estudio pa duna un miho guia na e muchanan for di un edad hopi hoben, pa despues nan ta personanan exitoso den nan bida adulto. E relacion entre mayor y yiu ta keda primordial, segun Sr. Guy Coutourier a finalisa bisando.