Shanon Croes, hefe di operacion na Dump, ta elabora rib’e cambionan cu lo conoce un cuanto e maneho di tira sushi na Dump.
Esaki ta pa e cantidad di sushi cu personanan ta bay tira afo. Si e sushinan ta di un cantidad grandi, nan por subi tereno y tira esaki. Pero si e cantidad ta tiki, nan por tira esaki den bakinan cu tin dilanti. Asina tin control pa no laga tur hende subi tereno pa tira sushi afo. Menos trafico riba tereno ta permiti e trahadonan cumpli cu nan operacionnan cu mas facilidad.
En cuanto separacion di sushi, tin diferente bakinan of seccionnan pa separa y tira e sushinan y esnan di Dump lo encarga pa hiba esaki na su luga destina rib’e tereno.