Dia 30 November 2017 tabata e ultimo dia di e temporada di horcan pa e aña aki. Sr. Rino Hermans di Departamento di Calamidad ta amplia.
E tabata un temporada di horcan cu a laga Reino Hulandes cu’n experiencia y tambe na Aruba, un experiencia cu por practica e plannan den caso di un desastre ariba distancia. Durante e proceso eynan, Departamento di Calamidad tabata tin mas o menos 225 hora cu a sinta hunto. For di eynan a sali 20- decision cua wordo tuma. Tabata tin e dialisis pashentnan cu a yega Aruba cu a ricibi asistencia. Despues a evacua un 310 persona. Aruba tin experiencia cua cada atras. Cuerpo Policial tabata a bay duna un man na St. Maarten y esaki ta experiencia cu ta bin bek.
Na comienso di 2018, tur lo sinta hunto pa wak kico a siña di e incidente aki y kico lo mester wordo perfecciona y pa duna un man den Reino si algun dia bati na nos porta pa duna asistencia ariba distancia.
E separacion for di Antias Hulandes a wordo sinti hopi, cu Reino a tuma over for di Den Haag, siendo cu na 1995, tempo di horcan Luis, tabata Antias y Aruba. E contactonan tabata hopi mas cortico pero e biaha aki ta St. Maarten ta un pais, Corsou ta un pais y Aruba ta un pais. Dus tin hopi mas Prome Minister cu mester tuma contacto cu otro.
Tin cosnan cu mester drecha den Reino, di loke a siña cu mester wordo perfecciona. Pero esaki mester sosode prome cu e otro temporada. Cosnan no a bay soepel y tin cosnan cu mester drecha. Unico cos cu Sr. Hermans pro bisa cu e team di Aruba, unabes cu nan a wordo notifica, den termino di 4 ora e departamentonan tabata tin 70 hende, cla paketa pa bay. Pero tabata wordo e yamada drenta for di St. Maarten pa bisa cu e mester di asistencia for di Aruba.
Marina Real staciona na Parrera, a organisa un encuentro caminda cu nan tambe kier drecha loke no a bay bon. E schakelnan di comunicacion cu no a bay bon. Pa 2018, den caso di e temporada di horcan, afspraaknan traha duidelijk. Ta un punto di agenda di prioridad pa 2018.
Sr. Hermans tin contacto cu Ramp Coordinator di Corsou y Bonaire. Cu esun di St. Maarten tin contacto pero no a yega na afspraaknan. E islanan ABC a palabra cu pa 2018 lo reuni por lo menos 3 biaha pa aña, pa asina wak con bon prepara e islanan ta den caso di un eventual victima di e sistema.