Te awor aki pa loke ta e urnanan electoral, trabaonan a wordo haci. Unda cu mester a drecha a drecha. E stemhokken nobo a yega caba. A prepara un schema caba pa ki dia ta cuminsa mobilisa tur e ekiponan na e urnanan electoral. Esey ta nifica cu DOW tin un siman adelanta cu nan lo kier haci esaki. Prome cu e fin di siman aki lo cuminsa mobilisa tur e stemhokken, tur mesa, tur uitrusting pa cada urna, hiba nan eynan, warda nan y dos dia prome cu eleccion, esta dia 20 y 21 di September, ta setup tur urna pa nan ta cla pa dia 21 anochi, pa 22 di September por drenta den funcion. Tambe nan tin e parti di logistica pa e jug cu awa, cu ijs ta presente den e local y ta monitorea si mester mas material pa e por opera dia 22. Pero tur cos ta on schedule manera cu e ta planea, segun director di DOW, Marlon Croes.
Pa loke ta e sistema, den pasado nan tabata tin e stemhokken di palo traha. Den e caso aki a busca un stemhok hopi mas lihe for di Hulanda, cu por arma hopi mas lihe. Naturalmente e tin cortina pa por garantisa e privacidad di e votador, na momento cu e ta eherce su derecho di voto.
Den e caso di hendenan incapacita, loke a bin cun’e, esta e stemhoknan nobo, e ta asina flexibel, por bah’e na altura pa un usuario di un rolstoel. Lo bay tin esey den e facilidadnan di urna electoral. E persona mes por yega vota den su rolstoel. Den e caso aki a pone esey como facilidad den e urna, segun Croes.