Lo bay controla negoshinan si ta cumpli cu e protocolnan cu a keda lanza

Edwin Jacobs director di SVB Aruba durante un entrevista a menciona cu Gobierno di Aruba a prepara diferente protocol den diferente area pa asina por bay reactiva e economia y cuminsa bek cu e actividadnan diario pafo di cas. E prome protocol cu gobierno a diseña pa mas bien oficinanan, SVB a organisa un training caminda ta brinda organisacionnan, departamento di gobierno y empresanan e oportunidad pa cera conoci cu e protocol akinan pa ta consciente kico ta e implicacion cu esaki ta nifica pa nan organisacion y a diseña un check list cu ta permitinan den un forma facil pa controla regularmente si e espacio di trabou ta cumpli cu e protocol cu Gobierno a presenta y lo bay controla hunto cu e task force cu SVB ta participa na dje. SVB ta conseha cada organisacion apunta un persona cu tin cu bira e coordinador y tin cu haci cierto tarea y autoridad den e organisacion y e tin cu monitor y supervisa cu e organisacion ta cumpli cu e protocol y mester por duna instruccion na departamento e facilidad pa mehora y drecha asuntonan den e negoshi cu ta impidinan di cumpli cu e protocol aki.

E task force cu lo bay controla negoshinan na Aruba y tin cinco empleado di SVB cu tin e autoridad di boa opleiding y lo bay controla si e negoshi ta cumpli cu e protocol. Esaki ta pa e negoshinan crea un disciplina interno y keda cumpli cu e reglanan, si negoshi cumpli cu e cheklist y si task force pasa bo ta cumpli. Si e task force pasa y negoshinan no cumpli, esaki lo keda na man di ministerio publico.

SVB awor aki lo tin presentacion cinco training pa dia, y esaki ta tuma luga na edificio na ATIA.

Comments

comments