Despues di e temporada di Fin di Aña, Cuerpo Policial ta preparando pa e temporada druk di Carnaval. Sr. Lito Lacle ta elabora ariba e comportacion di e pueblo.
Durante e dianan di fiesta, loke a resalta ta e coremento bou di influencia alcohol, cu tabata causa di accident, cu danki Dios no tabata di gravedad. Pero esaki ta resalta den nan mutatienan. Dor di esey a purba di bin cu’n campaña di conscientisacion, cual por bisa cu no ta resaltando y lo mester wak con ta bay haci den e parti defensivo.
Pa loke ta Carnvala, Sr. Lacle, ta un momento pa evalua, diasabra awo durante di fakkel. Despues di Fakkel lo bin cu controlnan pa evita cu cosnan pio pasa. E unidad motorisa lo ta ariba caya pa haci e controlnan debido pa evita of purba na evita.
Segun Sr. Lacle, hopi hende no ta consciente cu si bo surpasa e limite legal di 570 ugl, e chauffeur tin chens di perde su rijbewijs. Y si e rijbewijs ta wordo uza pa trabao, tin chens grandi cu e chauffeur lo perde su trabao tambe. Pa fin di siman awo, di loke ta sali for di e reunion di directiva lo vocifera nan opinion y esaki lo wordo comparti cu e pueblo di Aruba.
Loke ta sigur ta, cu e Bureau Communicatie en Voorlichting, lo zorg pa e cifranan di e cantidad di personanan cu ta core bou di influencia di alcohol, pasa esaki pa e directiva, segun Sr. Lito Lacle.
Diasabra awo lo tin e Parada di Flambeu, saliendo pa 8 or di anochi, for di Aruba Entertainment Center y lo caba na ex- DOW. E trabao di Districto 1 ta pa zorg pa un draaiboek pa nan por defini cada ken nan obligacion pa cu durante e parada di Flambeu. E trabao di polis ta pa comunica esaki cu e pueblo di Aruba y Sr. Lacle tin tur confiansa cu tur cos lo bay bon diasabra awo.