Ministerio Publico conhuntamente cu Cuerpo Policial di Aruba ta informa cu Polis lo listra riba posesion di arma na San Nicolas durante henter Carnaval.
E autorizacion pa listramento preventivo ta encera e siguiente actividadnan:
Jouvert Morning & Pyjama Party
Fecha y horario: 3 di februari 2018 di mei anochi pa 10’or di mainta
Parada di mucha & Burning of Momito
Fecha y horario: 4 di Februari 2018 di 12’or di merdia pa mei anochi
Parada di Luz (Lighting Parade)
Fecha y horario : 8 di Februari 2018 di 5’or di atardi pa mei anochi
9 di Februari 2018 di mei anochi pa 4’or di madruga
Parada grandi di Carnaval di San Nicolas
Fecha y horario : 10 di Februari 2018 di 12’or di merdia te mei anochi.
Den cuadro di e accion aki di listra pa posesion di arma, Cuerpo Policial di Aruba ta autorisa pa para personanan na manera arbitrario y search nan na nan paña. Ademas Polis ta autorisa pa busca pa arma den autonan y otro vehiculonan. Polis ta autoriza tambe pa pidi pa tasnan, rugzaknan, cahanan y otro pakinan wordo habri pa ristra den nan pa arma.
Ministerio Publico (despues di a haya autorisacion di Hues- Comisiario) a duna ordo na KPA pa esaki.