Lionel Messi ta gana su di 6 Balon Oro

Leo Messi ta gana otro Balon di Oro. Loke tur hende a supone y tur pronostico a keda confirma awetardi ora cu e Argentino ta gana su di seis Balon di Oro durante e gala na Paris, Francia. Den e gala a specifica e 30 clasificadonan prome y den orden te na di 11 clasificado, despues e puestonan te cu number 10 y finalmente e cinco finalistanan. Di e manera aki Messi a keda proclama vencedor di su di seis trofeo, diez aña despues di a gana e prome, en cabeza un grupo cu a keda completa dor di e “cracknan” Van Dijk di Liverpool, kende a keda na segundo luga. Despues tabata Cristiano Ronaldo, kende no a presenta pa e gala aki na Paris pa prome biaha desde 2010, a keda na tercer luga y Sadio Mane a keda na di cuater lugar, Mohamed Salah na di cinco y Kylian Mbappe a keda na di seis luga. Alisson a keda nombra miho portero di aña, a keda na di shete luga, Robert Lewandoski na di ocho, Bernardo Silva na di nuebe y Riyad Mahrez a keda na di diez luga. Messi ta gana su di seis Balon di Oro cy ta yn record absoluto den su carera mientras cu Cristiano Ronaldo ta keda cu cinco. Manera nos a menciona e premio di Lev Yashin, pa e miho portero di aña y cual a wordo otorga pa prome biaha dn e gala di Balon di Oro, a bai pa e Brazilero Alisson Becker, kende den 2019 a gana e Campions League cu Liverpooly tambe Copa America cu seleccion di Brazil. E medio campista Hulandes, Matthijs de Ligt a logra e premio di Miho Hungado Hoben mientras cu e Balon di Oro den categoria Femenino a bai pa e Mericano, Megan Repinoe.

Comments

comments