BUENOS AIRES, Argentina – Maria Rocco tabata activo como linesman siman pasa durante e torneo entre Quilmes y Deportivo Merlo den e tercer clase Argentino y a pensa cu el a keda cla ora cu a duna e ultimo pitaso. Algun di e hungadonan di e partido perdedo, di cual Quilmes a gana 2-1, a bin busca cuenta despues di e torneo pa haya sa mas di e referee. Rocco a bya hinca boca aden y a haya un klap na su nek for di Emmanuel Frances di Merlo.
“Varios di e hungadonan di Merlo a bay na e referee Jorge Broggi pa protesta y mi a bay eynan pa asina separa e hungadonan for di de. Nan a bisa cu e prome gol a wordo haci cu man y mi a bisa e coach cu nan tin cu calma, cu nos por papia, pero despues,” el a conta na La Nacion. “Na e momento ey polis a bin riba veld pa proteha nos. Mi tabata para tras di Broggi y mi a sinti un klap skerpi na mi nek. Ora cu mi a bira, mi a mira hungado number shete.”
“Mi a pensa na prome instancia cu e atake tabata riba e referee of un otro hende, pero mi a wak cu esey tabata imposibel, mirando cu mi tabata para mi so. El a core bay y a perde entre su coleganan di bala. Mi no por a kere, mi no por kere cu mi a wordo maltrata,” Rocco a finalisa. E linesman mientras tanto a duna keho na polis.
Fuente: voetbalzone.nl