WASHINGTON D.C., Merca – E liña di crucero Princess di e grupo Carnival Corp lo wordo declara culpabel di shete cargo di contaminacion maritimo y pa purba di cubri esaki, loke lo obliganan pa paga un multa criminal di 40 miyon di dollar, Departamento di Husticia Mericano a laga sa diahuebs.
E acusacionnan contra e unidad di Carnival cu sede na California ta surgi a partir di e “vertido ilegal di desperdicionan di combustibel di e crucero Caribbean Princess” cerca di e parada y puertonan den shete estado nobo y dos teritorio di Merca, Gobierno a bisa den un comunicado.
Caribbean Princess a bin ta realisando vertidonan ilegal desde 2005, uzando ekiponan di scondemento – cu ta inclui e “slang magico”, pa eludi e ekiponan di prevencion di polucion cu ta separa combustibel y ta monitorea e nivelnan di petroleo den awa cu ta rondona e embarcacion, Departamento di Husticia a bisa.
Investigadonan Mericano a cuminsa investiga e accionnan di e crucero despues cu algun ingeniero a reporta e bashamento ilegal dilanti e costanan di Inglatera na Augustus di 2013. Otro dos ingeniero di e unidad a ordena e tempo ey cu e practica wordo encubri y a exigi nan subordinadonan pa gaña y purba di remove e slang pa e sushi.
“Esaki ta un compania cu tabata na altura di e situacion y cu mester a actua diferente,” fiscla general adhunto John Cruden a bisa den e comunicado.
E puertonan vincula na e cargonan ta na Florida, Maine, Massachusetts, New Jersey, New York, Rhode Island, South Carolina, Texas y Virginia, ademas di Virgin Islands y Puerto Rico, e departamento a bisa.
Fuente: Reuters