Sra. Liliana Rasmijn ta splica e preparacionnan cu Cuerpo Policial ta haciendo pa e fin di siman di Carnaval e fin di siman aki.
E weekend aki ta haya Jouvert Morning, y tambe Parada di Mucha na San Nicolas. Ya caba tin un calculacion di cuanto hende ta bay tin y a base di cuanto hende tin, ta pone e polisnan. Mester corda cu Cuerpo di Polis no solamente ta e polisnan uniforma, pero ta tambe e recherchenan, CEA cu ta yuda Cuerpo Policial.
Sra. Liliana Rasmijn a splica cu si ta pa Lighting Parade, un biaha mas ta haci un suplica na mayornan pa si nan tin yiu chikito, pa por fabor no bay cu nan parada. Miho cu ta keda cu nan cas, of tuma contacto cu Fundacion pa Nos Muchanan, cu tin un lista di luganan cu ta wak pa mucha.
Pa loke ta trata Parada di Mucha, diadomingo, lo bay tin mayornan cu lo bay bebe y kico lo para di nan yiunan cu ta sinta eybou sin cu niun hende tin bista ariba nan. Segun Sra. Ramijn, vocero di Cuerpo Policial, polis por duna conseho ta keda na cada mayor pa ta responsabel pa nan yiunan.
Si ta haci un suplica na e mayornan, cu si ta bay cu muchanan chikito, pero riba 5 aña, pa or fabor bay cu nan earplugs, wak pa nan tin suficiente co’i bebe. Ta un multitud grandi ta bay tin, dus pone e papel cu nr. di telefon unda ta siña e mucha, pa si e perde, e bay cerca e polis y pa bisa e polis yama nan e nr. di telefon. Door cu e mucha ta chikito, e no ta bay corda na ki nr. lo mester yama.
Por ultimo Sra. Rasmijn a bisa cu mayornan ta ehempel pa e muchanan. Dus mayornan mester comporta nan mes, pa asina e muchanan tin bon ehempel di e comunidad tambe.