Aruba Softball Bond ta anuncia cu tur cos ta cla pa ranca Sali cu softball fast pitch 2018. E prome liga cu lo inicia ta Liga Especial. Kico esaki ta? 4 ekipo miembro di Aruba Softball Bond mas pre seleccion den pleno preparacion lo forma total 5 ekipo cu lo bay bataya 1 luna largo contra otro. Aruba Softball Bond cu aporte di Subsidie Commisse ta treciendo 4 pitcher di un nivel hopi halto di exterior. Cada ekipo miembro lo ricibi un pitcher menos e pre seleccion. Lo hunga sistema di double header unda ekiponan lo ta hungando minimo 4 wega pa siman. E formato aki ta conoci den paisnan rond mundo pa asina yuda nan eleva nan nivel. Pues e 4 ekiponan constantemente lo tin un refuerso Internacional unda nos peloteronan lo custumbra mas lihe cu e tipo di lansamentonan aki. Esaki lo motiva tambe nos atletanan pa traha duro pa yega un otro nivel competitivo y alabes desaroya pitchernan hoben. Manera cu e campeonato Liga Especial aki inicia tur otro Liganan lo inicia rond final di Mei. Aruba Softball Bond trahando intensivo pa hiba e deporte dilanti.