RIO DE JANEIRO, Brazil – Tabata un pesadiya pa 12 studiante Hulandes, kendenan tabata riba un biahe di estudio na Rio de Janeiro. Ora cu nan a drenta den un lift di nan hotel pa bay abao, e lift, cu nan tur aden, a cay 12 piso abao. “E portanan ainda tabata habri ora cu e lift a bin abao.”
Easina un di e studiantenan a conta RTL Nieuws. E accidente a sosode diaranson ultimo. Segun un vocero di Nyenrode Business Universiteit, e accidente por tabata pio. “Nos a scucha cu e sistema di siguridad di e lift, afortunadamente a traha, pesey e lift a brake eventualmente.”
Enkelnan kibra
Toch algun studiante a keda herida. Ningun ta den peliger mortal y nan ta den bon salud,” segun e vocero. “Mayoria si ta keha di nan enkel, pia y lomba.”
Un studiante a kibra ambos enkel y mester pasa algun dia den hospital, e resto lo sali for di hospital e fin di siman aki y lo sigui cu e biahe manera planea. “E biahe di estudio a yega na su final. E studiantenan cu a keda herida, tabata tin un seguro di biahe pa yuda nan ora nan bin bek Hulanda.”
Spanta
Segun e vocero, tur e studiantenan “a spanta tremendamente.”
“Nos a pone un counselor disponibel pa asina yuda e studiantenan pasa door di e hecho traumetisante aki, si nan ta desea esey.”
Fuente: www.rtl.nl