CARACAS, Venezuela – Dos lider di oposicion Venezolano a keda herida den protestanan contra e Gobierno di Venezuela. Lider di oposicion Henrique Capriles ta papia di represalia.
16 otro lo a wordo herida durante e marcha di protesta. Capriles a entrega keho di maltrato. Riba potret por a mira cu e tabata tin marcanan blauw riba su cara, cual el a indica, despues cu un solda a golpi’e.
Tambe lider di oposicion Carlos Paparoni, a keda herida. El a wordo benta abao door di e forsa di un cañon di awa y e tabata tin mester di stitch.
2800 hende deteni
Durante e protestanan contra e Gobierno Venezolano cu ta andando desde comienso di April, basta hende a fayece. Tambe cientos di hende a wordo herida. Nan kier deshaci di e presidente Nicolas Maduro y ta exigi eleccionnan tempran.
Durante e protestanan, mas of menos un 2800 hende a wordo deteni. Segun activistanan di derechonan humano ainda 1240 ta cera.
Fuente: www.rtl.nl