Pretty Flower Speelschool; Dora y Diego Speelschool; Big Bird; Smart Kidz Speelschool; Dodi Speelschool; Yupi Yupi Ya; De Glimlag; Stichting Kids Creation.
Recientemente lidernan di e centronan aki a termina e curso di Prome Asistencia/CPR y Siguridad den centro di mucha, organisa pa Fundacion Pa Nos Muchanan (FPNM). E parti di “Prome Asistencia y CPR” tabata na encargo di ASHI (Aruba Health and Safety Institute) y e parti di “Siguridad den centro di mucha” na encargo di FPNM. Cursistanan a haya informacion y a practica Prome asistencia y CPR. Alabes a pone atencion riba aspectonan di siguridad den centro di mucha y a infatisa e importancia di tin un plan di evacuacion. FPNM ta gradici tanto Kiwanis Club of Aruba pa nan fiel sponsorship como ASHI pa nan tremendo instruccion y ta felicita e lidernan, deseando nan exito den nan trabou cu mucha.