ROMA, Italia- Salvatore ’Toto’ Riina mag di bandona prizon haciendo apelacion ariba mal estado di salud. E hefe di Mafia Italiano mas temi, mescos cu tur otro detenido, tin derecho ariba “un morto digno”. E no ta forma niun peliger pa comunidad.
Esaki ta loke Corte di Casacion a dicidi dialuna, segun medionan di prensa Italiano, despues cu Corte di Prome Instancia como tambe Corte Superior a nenga di concede su libertad.
Riina, di 86 aña den añanan 1980 y 1990 tabata lider di e notorio Costa Nostra. E cantidad di homicidionan cu su clan a comete, a pone cu el a haya e apodo di “E bestia”. El a wordo aresta na 1993 y condena varios biaha na bida largo. Riina ta sintando su castigo na Parma.
E decision aki no kiermen cu e lider mafioso por bandona prizon pa su mañan mes, si es cu e por cana ainda. Corte di Bologna ainda mester dicidi di Riina por wordo poni bou di aresto domiciliario.
Fuente: www.anp.nl