Partidonan tradicional no ta respeta democracia y ta purba asalta esaki. Tin hopi menasa. P’esey a dicidi di haci uzo di e oportunidad cu ley ta duna pa hac entrega di e lista di forma digital.
Arends a bisa cu nan tin 4 aña trahando y p’esey no kier pone nan votadonan na riesgo. El a bisa cu si pueblo kier cambio di berdad, pueblo mester percura pa Raiz ta den Parlamento y den Cocolishi. “Dia 25 di junio cambionan drastico lo cuminsa.”
E lider di Raiz no tabata kier a bay for di ki skina e intimidacionnan ta bini. “Mi no mester divulga di unda e ta bin y tur hende sa cual ta e partidonan tradicional y con nan ta funciona. Nos democracia no por wordo asalta.” Si el a agrega cu e intimidacion cu ta cntra pueblo, esun cu kier cambio y cu e partidonan tradicional ta pone na peligro.
Raiz tin un lista innovativo, cla pa marca historia, e lider di Raiz a expresa.
E lista ta consisti di e siguiente candidatonan:
Ursell Arends
Geoffrey Wever
Raymicheline Raymond
Raymond Kamperveen
Ruthlin Lindor
Carlos Guiamo
Ivan Croes
Ling Wong
Arnaldo Maduro
Anko Koopmans
Javier Harms
Liliana Braamskamp
Na aña 2017 e partido a participa cu cinco candidato di cual tres por mira bek riba e lista di 2021