Lider di PDR mr. Andin Bikker: Minister Otmar Oduber a falta respet di Raad van Advies y mester pidi despensa!

E prome topico di Andin Bikker, lider di Partido Democracia Real, den rueda di prensa semanal, tabata e hecho cu Minister Otmar Oduber a ofende un miembro di Organo Consultativo di Raad van Advies.
Segun Bikker e minister no tin ningun derecho pa ataca e miembronan di Raad van Advies asina.
El a bisa esaki pasobra durante e tratamento di e Ley di All Inclusive señor Oduber a ataca un di e miembronan di Raad van Advies y ora nan a reacciona y bisa cu nan no ta di acuerdo pa haci atakenan individual na miembronan di nan Conseho, pasobra nan ta duna consehonan obhetivo, el a reacciona bisando cu NO, cu el a cita un opinion di un e-mail.
PDR ta haya cu esaki no ta hustificacion pasobra el a ataca e Organo Consultativo di Raad van Advies, y e no tin ningun base pa esaki. “Na prome luga, si nos wak e conseho di Raad van Advies, huridico y obhetivamente nan por yega na e conseho eynan. No tin ningun indicacion cu un of mas miembro tabata tin influencia individual riba e contenido di e advies aki. Pa di dos, ora cu e minister a bay over pa purba hustifica door di e hecho di a cita algo cu a sali den un e-mail, nos ta kere cu esaki ta crea un precedente hopi peligroso, pasobra como mandatario cu e institutonan conoci na Aruba ta integro y obhetivo, y como mandatario cu experiencia bo no por bay over na ataca un di e institutonan pasobra a duna un conseho cu no ta na bo agrado”??, Andin Bikker a bisa.
Esaki los cu e mester a usa e conseho aki, pasobra huridico y obhetivamente ta corecto y e ta bon y Minister Otmar Oduber mester sinta un rato reflexiona y pidi despensa na e Conseho Consultativo di Raad van Advies pasobra asina nos no ta trata nos Institutonan na un forma constitucional.
Mas ainda, segun Andin Bikker, PDR ta haya cu minister Oduber tin tendencianan dictatorial pasobra mas y mas por ripara cu ora e haya consehonan cu no ta na su agrado e ta bay over pa ataca personalmente, institutonan of personanan di e institutonan y nos NO ta aproba esaki pero ta bise pa y pidi su disculpa na e Conseho Consultativo, Bikker a bolbe bisa.
No obstante cu tin inmunidad ta elegante pa pidi despensa ora bo ataca un Instituto, ora el a bay over den un momento emocional y no hustifica cu ta opinion den un email.
Andin Bikker a menciona cu Raad van Advies a laga sa via un comunicado di prensa, cu nan por compronde cu un hende por bira emocional. Bikker a splica cu ora ta trata di un persona cu tin un trayectoria, e mester suppose cu e sa mihor y den e caso aki e mandatario mester sa mihor prome cu el a expresa su mes, y trece e Instituto den un luz menos agradabel.

Comments

comments