BOGOTA, Colombia- E hefe maximo di FARC, Rodrigo Londoño, ‘Timochenko’ a sufri un stroke, pero su evolucion ta satisfactorio y e ta na tino, segun dokternan di e clinica unda e ta interna a informa diadomingo.
Londoño, di 58 aña a yega cu urgencia diadomingo mainta na e Corporacion Clinica Universidad Cooperativa di Colombia, den e ciudad de Villavicencio, udna el a ricibi “un diagnostico di accidente cerebral isquemico transitorio”, segun e directora di e centro medico, Lydis Hererra.
Forsanan Arma Revolucionario di Colombia (FARC), mientras tanto a divulga den un comunicado unda cu nan ta sigura cu e estado di salud di su maximo dirigente Timoleon Jimenez (su nomber di guerra hunto cu esun di Timochenko) ta stabiel.
Na Februari 2015, ‘Timochenko’ a sufri un atake di curason mientras cu ainda e negociacionnan di pas tabata andando na Cuba.
Segun FARC a revela na Maart aña pasa, e tempo ey, e lider gueriyero mester a wordo reanima den un hospital di La Habana.
Casi 7 mil gueriyero y cerca di 3 mil colaboradonan di FARC e siman aki a completa su proceso di desarme na Colombia, cumpliendo cu e acuerdo di pas cu e dos partidonan a firma na November 2016.
Fuente: www.elheraldo.co