Diahuebs mainta, Corte a trata caso penal cu OM a cuminsa contra Andre Angelo Paskel, acusa riba 7 di october, 2019 pa a yama parlamentario Rocco Tjon pedofil riba Facebook. Den corte a bini dilanti e tema di libertad di expresion di hende, pero Fiscal y Hues a bisa cu tin limite pa cu esaki, ambos ta haya cu sr. Paskel a surpasa e limite, cual ta bin na defamacion.
Parlamentario Rocco Tjon a entrega keho riba 7 october, 2019. A bini dilanti den corte cu un politico mester por wanta atakenan cu ta bini na dje pasobra esaki ta bini den e mundo di politica, sinembargo tin su limite, mirando cu den e caso aki pa ley e uzo di palabra pedofil ta castigabel.
Fiscal a exigi 20 ora di trabao pa comunidad, y si sr. Paskel no cumpli cu esaki e lo mester bay 10 dia sera den KIA. Den corte a Sali na cla cu e parlamentario no a wordo persigui pa pedofil, den e caso aki ta indica cu e acusacionnan haci ta falso, defamatorio, dañando bon nomber di parlamentario Tjon.