Liberato Hoek: Servicio di Ambulance trahando pa mehora nan servicio tur dia

Servicio di Ambulance e siman aki ta celebra nan siman. Aunke e celebracion no por ta grandi manera otro añanan, no por laga e hecho aki pasa siman mas.

A probecha di e celebracion pa recorda loke a pasa den e aña tras di lomba. A pasa den un aña hopi pisa. Liberrato Hoek, hefe di Servicio di Ambulance, a menciona e cifra total di casonan positivo di cual nan a transporta mas cu 700 pashent cu ta nifica un averahe di 50 pashent di COVID transporta pa luna.

E transportenan aki ta un peso extra, pasobra ta hopi medida extra mester a tuma pa transporta e pashentnan aki. Personal di Ambulance den henter e periodo aki a coopera masha bon cu e transporte nan.

Nan ta masha agradeci pa tur e elogio cu nan sa haya, no solamente di localnan pero tambe turistanan. Esaki aunke e temponan ta diferente.

Ambulance a caba di haya 7 empleado nobo pa e parti di enfermeria. Nan ta en espera di e curso cu ta wordo duna door di Hulanda. Nan meta ta pa yega na tin 4 ambulance pa cada shift. Awor nan tin tres post y pa cada post tin tres ambulance na warda.  Mehora servicio tur dia, ta meta di e Servicio aki, Hoek a bisa.

A haci un apelacion na tur hende pa tuma tur medida pa cuida nan mes den e temponan dificil aki, sigui recomendacion di bo dokter

Nan a mantene e celebracion e aña’ki chikito debi na e pandemia. Si a acudi na un servicio di misa diadomingo.

 

Comments

comments