Liberato Hoek encarga cu departamento di Ambulance a duna un splicacion cu a cuminsa cu un periodo di carnaval 71 cu tabata relativamente keto pero e ultimo dos paradanan a bira super druk principalmente e ultimo parada cu tabata diadomingo di Oranjestad.
Liberato a menciona cu foi diasabra a haya diferente melding y a ripara cu esaki a bin di e calor y solo, pero diadomingo esaki tabata practicamente dobbel locual ta diasabra. Casi un 30 melding ambulance a haya pa cu e ruta di carnaval di cual gran mayoria mester a transporta sea pa Imsan of Hospital of e pre-hopsital di CMO. Mayoria di e hendenan a bira malo debi ne solo y no a tuma suficiente likido, of nan remedi. Algun hende door di a consumi alcohol dimas, a haya algun.
E crusadanan cu ambulance ta staciona bo ta hayabo cu hende ta coopera di laga esaki habri, pero momento cu e ambulance mester bay hospital y bin bek esaki ta keda blokia, pero a haya bon cooperacion cu polis cu tabata takel e autonan pa evita cu no por duna e cuido medico.
- Latest
