Sr. Hubert Dirks di Federacion d Trahado na Aruba a reuni cu minister Glenbert Croes y su coordinadornan pa locual ta nan puntonan di preocupacion riba tereno laboral y social. Sr. Dirks ta elabora ariba esaki.
Riba tereno laboral, segun FTA, tin hopi violacion tumando luga y ta kere cu mester bin mas inspeccion, pero ley sin inspeccion y multa, e violacion ta sigui. E ta conta pa tur sector. Nan ta spera cu inspeccion por haya prioridad y ta spera cu e leynan cu tin, por traha. Y nan ta haya asina un miho producto turistico y un miho calidad di bida pa e trahado.
Lo cual FTA no por ta permiti ta e explotacion di e trahadonan local pero stranhero tambe, cual ta tuma luga den tur forma, anto ilegalidad mester wordo para.
Si en caso despues di inspeccion haya mas espacio e ora lo por sinta wak kico lo ta e cambionan cu lo bin cun’e , pero tanten e ley vigente mester wordo aplica, pasobra e leynan lo ta suficientemente bon, y aunke o por tin espacio pa bin cu mehoracion, si e procesonan di haci inspeccion y pone multa lo a haci den forma corecto, e ora hopi correccion lo bay tuma luga.
E caso di siguridad na pia di trabao, tanto DTI, Departamento di Salud. Hygienische Dienst y Brandweer ta haci e control manera mester ta, sigur e lo ta un campo cu lo bay yuda reduci AO, accidente di trabou y malesanan entre otro. Finalmente sr. Sr Hubert Dirks di federacion di trahadonan Aruba a expresa tambe cu lo ta hopi bon e ayudo cu lo por duna di parti di ARBO-wet y tambe e implementacion di Ombudsman unda ta bay tin hopi chance cu e comunidad por haci e denuncia no solamente na e instancia concerni, pero tambe e ora gobierno y politiconan directamente lo por cuminsa zorg pa nan por traha riba un miho manera pa respeta nos ley na un nivel mas halto, y cu esaki lo por wordo yega na cabo y cumpli cun’e, segun Sr. Hubert Dirks di sindicato FTA.