Dialuna awor parlamento lo trata e ley di wega di placa pa cual sigur ta un ley importante pa cual aki Sra. Mervin Wyatt- Ras ta splica.
E reunion aki lo ta un reunion publico, unda lo trata e asina yama ley di Kansspelen. E ley lo reglamente catochi, casino etc. Lo bin diferente richtlijnen, di diferente personanan cu ta run un compania asina, pa nan tene cuenta cun’e. E ta algo cu a warda pa hopi tempo, pa e ley wordo trata. E ta lun ley cu a cuminsa trata, pero dado momento toch a pidi pa warda cun’e un rato, door cu tabata tin varios cosnan cu mester a wordo cambia.
Lo tin cambionan den ley, y lo keda pendiente pa esey ora di bay trat’e. Lo yama tambe diferente otro leynan tambe, cu ta husticia, pero mirando e tempo lo bay concentra ariba e ley di wega di placa. E ta un ley cu pa hopi tempo a cana su caminda, pero a papia cu diferente stakeholders pa trata e ley aki.
Sra. Wyatt- Ras ta contento cu por trata e ley aki, ya cu e tempo ta pasando y ta drentando un temporada mas druk di campaña y tur hende ta bezig cu nan cosnan. Ta un bon tempo pa pone atencion ariba esaki.
Pendiente tambe tin e ley di creche, pero ta wardando algun rekisito, pa trata e ley aki, mescos cu e ley di functiehuis. Tambe a haya un ley tocante e begrotingsfonds pa enseñansa. Esaki ta algo tambe cu ta importante pa asina tur e diferente scolnan y/of enseñansa general haya su atencion debido. Lo duna su debido atencion na dje. Esaki ta pa otro siman, pero Sra. Wyatt- Ras ta informa tur hende, pa asina ta pendiente pa e reunionnan, y presidente di Parlamento spera cu e reunion aki si bay den bon ambiente, compara cu reunionnan anterior.
Ta spera cu tur hende ta na tempo, ya cu e reunion lo cuminsa 8 or y lo kier caba na ora pa asina pasa e ley aki cu ta warda pa asina tanto tempo, segun Presidente di Parlamento, Sra. Mervin Wyatt- Ras.