Mervin Wyatt-Ras, e ley di kiesverordening, a bay Raad van Advies. Awor el a bin bek cu diferente remarca pa parlamentario Dangui Oduber bay contesta esakinan, prome cu e bay Parlamento. Esey ta un procedura cu ta tuma luga semper ora cu ta bin cu un ley di iniciativa, ora cu un miembro di Parlamento mande aden. E tin cu mande pa Wetgeving. Despues e ta bay Raad van Advies y cu e parlamentario contesta e preguntanan, e ora e ley aki lo por wordo presenta na Parlamento. E ora ey e ta bay cuminsa cana su caminda den reunion di comision central. Tur hende mester lese, haci pregunta y despues e ley aki ta sigui unda cu e preguntanan aki lo mester wordo contesta y despues por wordo trata den e reunion publico.
E tin un trayectoria pa cana. Tin tambe e ley cu sr. Marlon Sneek a entrega tocante di ley di integridad, screenmento di politiconan. E ley aki tambe a cana su caminda. El a bay diferente entidad. E siman aki tambe a ricibi e contestanan. E ley aki a cana mas leu y e contestanan cu sr. Sneek tabata tin riba Raad van Advies y e ora e ley aki ta cla. Esaki si ta un ley cu a cana su caminda. E ta cla pa wordo trata den reunion publico. Toch esakinan ta hopi improtante cu coleganan Parlamentario ta entrega leynan di iniciativa y ora e leynan aki por cana nan caminda pa e wordo trata den Parlamento.
Mervin Wyatt-Ras a splica cu tin leynan asina facil pa trata y tin otronan, depende kico Raad van Advies a puntra y ricibi contesta riba dje. Esey siguramente ta depende di e Parlamentario. Ora cu haya e leynan, ta pone esakinan “ter bespreking”. Ta depende awor aki na Parlamentario Oduber, kico e ta haci cu e ley aki pa wordo entrega na Parlamento, Mervin Wyatt-Ras a splica.