Ley di Condomium ta stipula cu e camber wordo bendi pa aña

Un punto di discusion ta e tema di condomium, pa cual minister Otmar Oduber ta splica ariba e ley di condominium.

Ley di Condomiunium ta un manera scondi cu enbes di traha hotel, ta traha condominium, Y ta verhuur esaki na un manera un hotel. E ley di condomium ta bisa bon cla, cu ta bende e camber pa henter aña y ta unico manera cu ta haya splitsing di DIP, ya cu despues cu bo bende, por pidi pa e splitsing. Desde cu a introduci e ley di All Inclusive, e operador mester pidi gobierno permiso pa huur e cu turista. Incluso cu si e turista ta onderverhuur e.

E ley di All Inclusive ta acapara tur cos, cual kiermen cu gobierno di Aruba por bay genera 20% mas hopi na entrada di na Room Tax te cu e juli ultimo, no por a genera anteriormente. Tin algun doño di condomium a bin pidi vergunning pa verhuur e cambernan. Tur hende cu ta riba Airbnb, tur cu ta huur camber ariba internet, mester paga impuesto na Aruba, mescos cu cualkier hotel. Esey no kiermen cu e negoshi no ta sigui, pero solamente cu mester pidi permiso prome.

Aworaki tanto e doño di edificio como e camber, tur dos pa ley tin e obligacion cu pa huur e pa menos cu 90 dia, e ta obliga di pidi un vergunning. Y si e wordo haci sin pidi vergunning, tin un boet di 10 mil dollar. A base di control, ATA, SIAD, of Afpakteam ta cana kibra na e condominium, y si tin un hende den un camber cu no ta doño, lo mester mustra e vergunning.

Antes no tabata tin niun ley, niun regla. E ley di All Inclusive a pasa den parlamento na 2016, pero nunca a wordo introduci. A tuma decisionnan, cu a wanta e lye aki atras pa negoshi y permisonan cu mester a haya inclusive ainda, cu ta 7 ainda.

Pa loke ta ta appartment cu ta wordo gehuur, minister Oduber a bisa cu e Ley All Inclusive ta conta pa esakinan tambe. E turismo nobo di Airbnb, Flip ta tur caminda y no solamente na Palm Beach. E turismo nobo di Airbnb, Flip ta tur caminda. Nan ta na Savaneta, Sta. Cruz, niun di nan ta contribui cu e caha di gobierno. Y esakinan ta kibrando e hotelnan, ya cu e condominium no tin frontdesk, busboy, nada. Y placa ta wordo paga pafo di Aruba tambe. Te asina leu e mandatario di Infrastructura ariba e ley di All Inclusive regardando condominium.

Comments

comments