E ley contra saco di plastick a drenta na vigor. Tin otro pais manera Hulanda, Boneiro cu tin cierto acuerdo. Aruba ta prome luga den reino cu a bin cu un prohibicion. Ta wak tambe cu diferente luga ta cla p’e. Parlamentario Donny Rasmijn ta contento di wak esey. Hopi di e luganan tin saco reusabel pa por sigui uz’e. Hopi hende ta al tanto di dje y por bisa cu esaki ta un paso grandi pa nos pais. Ta sigur di dje cu pueblo lo bay reacciona positivo riba dje y lo participa tambe den esaki den e prohibicion aki, di e proteccion aki di nos medio ambiente, pasobra e ta haci hopi daño na nos pais, tanto riba tera como den lama. Si wak mata por mira con nan ta lora cu e saconan aki. Esaki ta un reto pa asina sigui proteha nos medio ambiente. E aña aki e concentracion ta hopi riba dje. Ta spera cu pronto por mira cambio pa kita nos dump. Por wak un di e cambionan den proteccion di nos medio ambiente, proteccion di nos animalnan, problema cu nos tin cu cacho tambe. Tin hopi cambio cu ta wordo spera e aña aki. Por bisa cu tur esaki ta biniendo rond. No mester lubida tambe cu e aña aki tambe, hopi atencion ta wordo poni riba nos hobennan, pasobra nos sa cu awor aki ta purba proteha nos pais. Mañan ta nos hobennan tin cu proteha nos pais, e Parlamentario a splica.