CIUDAD DI VATICANO, Vaticano- E siman aki un biaha mas Vaticano a haya su mes envolvi den otro polemica e siman aki, pa e omiti di publica un carta di e papa emerito Benedicto XVI. Según conservadornan esaki tin tur caracteristica di un complot, aunke otro ta considera ta un fayo di comunicación.
Dialuna, e director di departamento di comunicación di Santa Sede, Dario Vigano, a modera un presentacion di un serie di 11 schrift di meditacion pa parti di 11 comentarista riba e “E teologia di Papa Fransisco”.
Vigano a lesa den voz halto un carta di cinco paragraaf di Benedicto unda cu e predecesor di Fransisco, awo di 90 aña, tabata rechasa e prehuicio kens” di esunnan cu ta kere cu e pontifice Argentino ta destruyendo iglesia cu su teologia liberal.
Benedicto tabata cuestiona tambe e sugerencianan di e conservadornan di cu Fransisco tabata falta cualidadnan academico, alabando na su sucesor como “un homber di un profundo formacion filosofico y teologico ” y a haya un “continuidad interno den e dos pontificadonan”.
Pero un comunicado di prensa entrega na periodistanan den e evento a omiti un kwart di e paragraaf di e carta, unda cu Benedicto XVI tabata despensa su mes pa no a tabata tin tempo di lesa 11 volumen y tabata rechasa e peticion di scirbi un introduccion “teologico fini” pa e colección.
Den un foto promocinal manda na medionan, cu ta mustra un prome pagina di e carta di Benedicto riba un mesa, e comienso di e paragraaf, aparentemente wazig di forma intencional pa enfatisa e resto di e carta, cu si tabata enfoca.
Hopi di e conservadornan ainda ta wak Benedicto como un bastion contra di e liberalnan y ta ataca Fransisco pa ta demasiado indulgente cu e hendenan cu ta divorcia y cu e homosexualnan.
“Un cantidad creciente di fielnan catolico ta alarma y rabia cada biaha mas pa loke nan ta wak como un serie continuo di falsedadnan, manipulacion y scandalnan procedente di Vaticano bou di e mandato di Papa Fransisco”, según Edward Pentin, un autor ultraconservador cu ta scirbi oa un corant catolico Mericano y a duna e episodio e nomber di “Lettergate”.